MITOLOGIA

Gaur klasean azaldu dudan moduan, Mari euskal mitologiako jainkosa nagusia da. Mari, Ama Lurraren irudikapena, izadiaren eta bertako elementu guztien erregina da. Gehienetan emakume gorputza eta aurpegiarekin irudikatu izan ohi da, dotore jantzita (gehienetan gorriz), zuhaitz edo suzko emakume gisara ere agertzen delarik. Sugaar da bere senarra, sorginak bere gurtzaileak eta bi seme ditu: Mikelats eta Atarrabi, ongia eta gaizkiaren irudikapenak.
Hurrengo bideoan bere istoria azaltzen da, eta ez ahaztu, bihar komentatuko dugu klasean!

Mari from pkeizagirre on Vimeo.

IPUINA

Klasean esan dudan moduan, ipuin berezi bat irakurriko duzue, ez duzue liburutegira joan behar, ordenagailuan bertan irakurri dezakezue.
Irakurri ostean, laburpen txiki bat egindo duzue eta klasean komentatuko dugu.

Open publication - Free publishing - More ...

Irakurmena lantzen!

Irakurmena lantzeko ipotxa, hartza eta sorginkeria ipuina jarriko dizuegu:

Negu gordin batean ama alabak gozo-gozo zeuden beheko suaren inguruan. Kanpoan elurra sendo zegoen. Norbaitek atea jo zuen, kax-kax!, eta neskatoak ireki: hartz bat zen, hotzak gogortzeko zorian zegoen hartz bat.
Hasieran etxekoak ikaratu arren, laster elkarren lagun egin ziren. Alabak kilikili egiten zion sudurrean animalia iletsu hari. Hartza animalia gozoa zen, baina artega zegoen.

- "Gustora nago zuekin baina joan beharra daukat ipotx sorginduek nire ondasun guztiak lapurtu baino lehen. Agur", esan zien etxekoei.

Egun horretan bertan, alaba egurretan joan zen basora eta han ipotx bat ikusi zuen. Bizar luzea zeukan, hain luzea ze zuhaitz batean kateatu zitzaion... Neskatoak askatu egin zuen eta orduan ipotxak zer esango eta: "Utzi pakean mukizu hori". Urrez betetako morral bat lurpetik atera eta alde egin zuen.
Hurrengo batean neskatoa azokara zihoala, ipotxa aurkitu zuen berriro. Arrano baten erpeen artean zegoen. Tiraka hasi zen neskatoa izaki ttipi hari lagundu nahian, tira eta tira, bereiztea lortu zuen arte. Ipotxak ordea, eskerrak eman beharrean, inon direnak esan zizkion: "Ume zorri hori! Arropa tarratadaz bete didazu". Zulo batean gorderiko zilar zakutoa hartu eta ospa egin zuen azkar-azkar.
Azokatik etxerakoan ipotxak eta neskatoak berriz egin zuten topo. Une hartan bertan hartz bat atera zen arboladitik eta ipotxari eraso egin zion.

- "Aska nazazu! Hezurra eta azala baino enaiz. Heldu neska eder horri, guri-guri dago eta".Baina hartzak, di-da, ipotxa akabatu egin zuen. Hartz hura, etxean babes eske egondako berbera zen. Ipotxa akabatzeaz bat hartzari larrua erori egin zitzaion eta printze eder bat azaldu zen haren azpian. Ipotxaren urrea eta zilarra printzeari lapurtutakoak ziren, jakina.

Galderak:
1. Zergatik joan behar da hartza?
2. Zer gertatzen ari zitzaion bigarren iratxoari neska heldu zenean?
3. Zer egiten dio hartza hirugarren iratxoari?
4. Norena zen iratxoak zeukaten urrea?

SINONIMOAK ETA ANTONIMOAK

 Sarrera honetan sinonimoak eta antonimoak landuko ditugu, horretarako hurrengo ariketa proposatu ditugu:

1. Hasieran barrabaskeria bat egitea otu zitzaidan, baina bi aldiz pentsatu eta aztera egin nuen. Barrabaskeria hitzaren baliokidea.
   a) Erokeria
   b) Lelokeria
   c) Bihurrikeria
2. Zein da guztiahaldunak hitzaren baliokidea?
   a) Ahalgabea
   b) Prakazabalak
   c) Ahalguztidunak
3. Azken bolada honetan ondoezik nabil. Zein da ondoezik hitzaren baliokidea?
   a) Makal
   b) Pozik
   c) Gaixorik
4. Honako bikote hauetan zein dira sinonimoak?
   a) Garbitu-ikuzi
   b) Eragotzi-onartu
   c) Ausart-koldar
5. Zer da zinez?
   a) Biak daude ondo
   b) Egiaz
   c) Benetan
6. Zer da aldiz?
   a) Bider
   b) Asko
   c) Inoiz
7. Zein da ezinbestekoak hitzaren sinonimoak?
   a) Nahitaezkoak
   b) Beharrezkoak
   c) Ezinezkoak
8. Antonimo bikote hauetatik bat oker dago. Zein?
   a) Azkarra-geldoa
   b) Lizuna-argia
   c) Urduria-lasaia
9. Hau eromena! horrela ez dago lan egiterik. Eromena hitzaren sinonimoa, zein da?
   a) Zoramena
   b) Irudikapena
   c) Gozamena
10. Zein da arin hitzaren parekoa?
    a) Txoriburua
    b) Ertaina
    c) Bizkorra
11. Antonimo bikote hauetatik bat oker dago. Zein?
    a) Amatatu-piztu
    b) Bihurritu-okertu
    c) Ihardetsi-galdetu
12. Zein da noranahi hitzaren baliokidea?
    a) Edonora
    b) Nolabait
    c) Norabiderik
13. Maindire zuri-zuriak eraman zituen ezkontzara, ilusioen antzera, amak erosiak. Maindire hitzaren sinonimoa?
    a) Izara
    b) Manta
    c) Estalkia
14. Bronkitisa da tabakoak eragindako gaixotasunetako bat. Zein da eragindako hitzaren sinonimoa?
    a) Ekoiztutako
    b) Gertatutako
    c) Sortutako
15. Zein da egokia pilotaria huts egin duela adierazteko?
    a) Kalera bota du
    b) Kale egin du
    c) Poto egin dio

Erantzunak:

1. c

2. a

3. a

4. a

5. a

6. a

7. c

8. b

9. a

10. b

11. b

12. a

13. a

14. c

15. b

ORTOGRAFIA

Atal honetan ortografia landuko dugu. Horretarako zenbait ariketka planteatu ditugu orokorrean erabiltzen ditugun akatsak zuzentzeko.

1. Zein da zuzena?
   a) Laurak aldera irteten zen.
   b) Laurak aldera irtetzen zen.
   c) Lauak aldera irtetzen zen.
2. Ondoko hitzetako batek ez du hatxerik behar.
   a) Haragi
   b) Lehoi
   c) Hestu
3. Zein da zuzena?
   a) Umeak ibai ertzean zapaburuak harrapatu nahian dabiltza.
   b) Umeak ibai hertzean zapaburuak harrapatu nahiean dabiltza.
   c) Umeak ibai hertzean sapaburuak arrapatu nahian dabiltza.
4. Hitz bat gaizki idatzita dago. Zein?
   a) Deuz
   b) Ostirala
   c) Gauzatu
5. Zein da zuzena?
   a) Mila bederatziehun eta hirurogeita hamalau.
   b) Mila bederatziehun eta hirurogeita hama hiru.
   c) Mila bederatzirehun eta hirurogeita hamalau.
6. Ondo hitz hauetako bat ez dago ondo idatzita. Zein?
   a) Leoi
   b) Oihan
   c) Saihets
7. Letraz jarrita: 78
   a) Zazpiehun eta laurogeita hiru.
   b) Zazpirehun eta laurogei eta hiru.
   c) Zazpiehun eta laurogeitahiru.
8. 80ko __________ ito zen gure lehengusua.
   a) huoldeetan
   b) uoldeetan
   c) uholdeetan
9. Esaldi hauetak batek ortografia akatsa dauka. Zein?
   a) Egonean eman dut gois osoa.
   b) Noiz ezagutu nuen gogoratu nahian nabil.
   c) Hemen nabil inorekin hitz egin ezean.
10. Hurbil zaitez nire _______ mesedez.
    a) Hondora
    b) Ondora
    c) Ondhora
11. Zurriolako __________ ez dago lanpernarik.
    a) arroketan
    b) bat ere ez
    c) harroketan
12. Hitz bat gaizki idatzita dago. Zein?
    a) Sendatu
    b) Lexikoa
    c) Mesua
13. Zuzen dagoena aukeratu.
    a) Basoan artz eta otsoen astarnak ikusi zituen
    b) Basoan hartz eta otzoen haztarnak ikusi zituen.
    c) Basoan hartz eta otsoen aztarnak ikusi zituen.
14. Aukera ezazu zuzena:
    a) Zu ez bazatoz, ez digute kasurik egingo.
    b) Zu ez ba zatoz, ez digute kasurik egingo.
    c) Zu ez bazatoz, eztigute kasorik egingo.
15. Zein esalditan daude komak zuzen jarrita?
    a) Entzun, jauna, gure eskaria berandu bada ere.
    b) Gasteizen, nik dakidala, 210.000 pertsona bizi dira, ez gehiago.
    c) Egia da agian, ez dutela ekarriko

Erantzunak:
1. b
2. c
3. a
4. a
5. a
6. a
7. a
8. c
9. a
10. b
11. c
12. c
13. c
14. a
15. b

GRAMATIKA

Dakizuenez gaur klasean gramatika landu egin dugu, ariketa batzuk prestatu egin ditut.
Bihar klasean ariketeei buruz hitz egingo dugu, beraz, zerbait ez baduzue ulertzen apuntatu orri batean.

Honako hauek dira:


1- Gaitz hori sendoezina da, beraz ___________
A) ez dago zer eginik
B) ez dago zer egin
C) ez dago ezer egiten


2-Zein dago txarto?
A) amore eman behartzen dute
B) amore eman behar izan dute
C)amore eman behar dute

3-Marianorei ez______ batere kostatu bi karrera batera_____
A) dio/ ikasteak
B) zaio/ikastea
C) zaizkio/ ikastea

4-Zenbat kilometro______Bartzelonara heltzeko?
A) faltatzen zaizkigu
B) falta zaizkigu
C) faltatzen dira

5-Plazara  hurbildu ziren guztiei eman genien______
A) afaltzen
B) afaltzea
C) afaltzez

6-Bihar Errioxara joango naiz,eta bide batez_______.(aukeratu jarraipen egokia)

A) trafiko handia egoten da
B) ardoa merkeagoa dago
C) bertakolagunak agurtuko ditut

7-Nire_________ Tourmaletara bizikletaz igoteko asmoa dute.

A) adiskide
B) adiskideak
C) adiskideek

8-Astean,______, bi aldiz joaten naiz ingelesa ikastera.

A) batez  beste
B) hala-nola
C) batik bat

9-Zein da zuzena?

A) adiskideatzat hartu ninduten 
B) adiskidetzat hartu ninduten
C) adiskidegatik  hartu ninduten

10-Maitagarriak bere makilaz zuen eta, bat batean, _____ bihurtu zen

A) igel
B) igelean
C) igelan

ERANTZUNAK :


1-A
2-A
3-B
4-B
5-A
6-C
7-C
8-A
9-B
10-A

SARRERA

Arratsalde on klase !!!

Txatxe manina naiz, zuen euskarazko irakaslea.
Gaur goizean klasean azaldu dudan moduan, Blog hau ireki egin dut zuentzako.
Blog honetan euskarazko  klasean emandakoa landu eta indartuko dugu.
Ariketa desberdinen bidez, gramatika, hiztegia eta ortografia...landuko duzue era erakargarri batean.
Zerbait ez baduzue ulertzen edo ez dakizue zergatik dagoen txarto ariketa bat, hurrengo egunean komentatu klasean.

Eta gogoratu, ondo pasa dezakezue ikasten!!